Dili, Quarta-feira loron 07 fulan Jullu tinan 2021: Sua Exselênsia Vise-Ministru Komérsiu no Indústria Sr. Domingos Lopes Antunes ho Country Director ADB nian Sr. Sunil Mitra halo abertura ba workshop loron rua husi loron 7-8 Jullu kona-ba apoiu kapasidade ba Timor-Leste ninian adesaun ba komunidade ekonomika ASEAN ne’ebé mak organiza husi Diresaun Jéral Asuntus ASEAN (MNEK) nian no MTCI ho assistênsia teknika husi ADB.

Workshop ne’e halo iha MNEK, ho partisipante sira husi nível diresaun tekniku no core team ekonomia nian husi liñas ministeriais no ajensia sira relevantes, ho objektivu fundamental atu fo apoiu ba Timor-Leste ninian desenvolvimentu domestiku no integrasaun nomós identifika assistênsia possível sira ne’ebé tangível husi parseiru desenvolvimentu liu husi enkontru parseiru desenvolvimentu nian ne’ebé mak sei akontese iha tinan ida ne’e.

S.E Vise-Ministru ho Diretora Jéral Asuntos ASEAN nian Sra. Milena Rangel no SEOM Leader atual Diretor Ezekutivu TradeInvest Sr. Arkanjo da Silva halo mos diskusaun no konfirmasaun teknika ba apoiu sira ne’ebé mak presiza husi liñas ministeriais ba adesaun pilar ekonomia ASEAN nian.

Mídia MTCI