Bazeia ba proposta husi autoridade sira ba iha Ministériu hodi husu ajudu humanitária ba komunidade sira ne’ebé maka afetadu husi inundasaun no situasaun serka sanitária ne’e, maka Iha loron Sexta-feira, 23 Jullu 2021; Ministru Turizmu, Komérsiu no Indústria, Dr. José Lucas do Carmo da Silva, entrega tán aihan bázika ba komunidade sira iha postu administrativu Lequidoe, Munisipiu Aileu.

Ajudus humanitária maka hanesan fós hamutuk saka 200, Ministru simbólikamente entrega ba iha autoridade, no autoridade maka sei jere hodi distribui ba komunidade ne’ebé afetadu inklui komunidade ne’ebé maka presiza tebes.Aleinde oferese ajudu humanitária refere, iha fatin hanesan Ministru mós fahe informasaun ba komunidade kona-ba Covid no Vasina, no Ministru husu atu komunidade asesu no rona ba informasaun ne’ebé maka kredivel husi parte saude no autoridade sira.

Mídia MTCI