LANSAMENTU OFISIAL BA ASOSIASAUN TURIZMU RELIJIOZU HUSI MINISTRU TURISMU, KOMERSIU NO INDUSTRIA

Dili – Assosiasaun Turizmu Relijiozu hamri’ik hodi bele hametin liután fiar, unidade, amizade ho natureza husi relijiaun hotu-hotu, nune’e bele kontribui ho didi’ak ba área turizmu liu hosi turizmu relijiozu. Asosiasaun Turizmu Relijiozu (ATS-TL) ohin Tersa-feira, loron 12 fulan Outubru 2021 ofisialmente hetan lansamentu husi Ministru Turizmu Komérsiu & Indústria Dr. José Lucas do Carmo da Silva, iha salaun Katedral, Villa Verde, Dili.

Assosiasaun Truizmu Relijiozu (ATR-TL) hamrik tanba hetan konfiansa husi relijiaun sira hanesan: Katólika, Musulmanu (Islam), Protestante, Hindu no Budha, hodi bele servisu hamutuk dezenvolve di’ak liután área turizmu ne’ebé halo parte ba turizmu relijiozu. Liu hosi lansamentu ne’e, Ministru Turizmu Komérsiu & Indústria hato’o apresiasaun bo’ot ba Timor oan sira ne’ebé halibur malu ona iha asosiasaun ne’e hodi sai forte liu tán iha Timor-Leste maske iha diversidade oi-oin.

Loron lansamentu ba ATR-TL ohin, Timor oan hotu komemora mós loron vizitasaun Amu Papa João Paulo II nian mai Timor-Leste iha loron 12 fulan Outubru 1989 dékada tolu liu-bá, ne’ebé sai ona istória ba Timor oan sira, hateten Ministru MTCI. Husi sorin seluk, Amu Angelo Salsinha nu’udar Prezidente ATR-TL deklara mós katak asosiasaun ne’e hamriik hodi hakle’an relijiaun hotu nia fiar, hodi hametin ambiente paz no domin. Asosiasaun ne’e bele halibur ema hotu sai unidade, tanba ema hotu-hotu Maromak oan maske iha diverjénsia no fiar oi-oin maibé ita ida de’it iha Na’i nia futar oin.

Deixe um comentário

Releated

Vise-Ministru Domingos L. Antunes hala’o enkontru despedida ho Koordenadór Rezidente Nasoins Unidas nian

Serviços Fomento Díli, loron 11 fulan Outubru tinan 2022 Vise-Ministru Komérsiu no Indústria, Sr. Domingos Lopes Antunes, hala’o enkontru despedida ho Koordenadór-Rezidente Organizasaun Nasoins Unidas (ONU) nian iha Timor-Leste, Sr. Roy Trivedy, ne’ebé mak nia misaun remata ona iha Timor-Leste iha fulan Outubru tinan ida ne’e nia laran. Koordenadór ONU, Sr. Roy fo apresiasaun bot Read More