Hafoin Governu hamutuk ho Parte Igreja halo tiha inagurasaun ba sitiu Weluli Manas ne’ebe lokaliza iha aldeia Weamain, Suku Uaimori, Postu Administrativu Viqueque Vila, Munisipiu Viqueque, Kontinua kedas intrega sitiu refere husi SEFOPE ba MTCI.

Sitiu turistiku Weluli Manas hanesan obra husi SEFOPE, obra refere finaliza ona no intrega ba MTCI hanesan instituisaun ne’ebe jere ba sitiu turistiku sira.Iha seremonia ne’e, Asina Termu de Entrega husi Diretor Jeral Formasaun no Profisional- SEFOPE, Sr. Paulo Alves, ho Diretor Jeral Turizmu- MTCI, Sr. Jelino Soares, no asina mos hanesan testamunha ba seremonia intrega ne’e husi Excelensia Ministru Turizmu, Komersiu no Industria, Dr Jose Lucas do Carmo da Silva, ho Excelensia Sekretariu Estadu Formasaun Profisional no Empregu, Sr. Alarico de Rosario.