SEREMONIA INAGURASAUN SITIU TURISTIKU WELULI MANAS, MUNISIPIU VIQUEQUE

Projetu Dezenvolvimentu Sitiu Turistiku Weluli Manas ne’ebe dezenvolve liu husi SEFOPE nebe’e servisu hamutuk ho Centro Formasaun Profisional Dom Bosco, finaliza ona. No iha loron Domingo, 15 Maiu 2022 halo ona Inagurasaun ba sitiu turistiku refere.Seremonia inagurasaun ne’e hahuu ho Misa Agradesementu no Bensaun ba sitiu husi Reverendissimu Amu Vigariu, Padre Paroku Viqueque Amu Tiago Soares Sarmento, nomos koa fita no asina plaka husi Sua Excelensia Primeiru Ministru Republika Demokratika de Timor-Leste, Sr. Taur Matan Ruak, no akompanha mos husi Excelensia Ministru Koordenador Assuntus Ekonomiku, Eng Joaquim Amaral, Exelensia Ministru Turizmu, Komersiu no Industria, Dr. Jose Lucas do Carmo da Silva, inklui Membru Governu seluk no Korpu Diplomata, Diretores husi instituisaun relevantes, nomos Komunidade sira Munisipiu Viqueque nian.

Hafoin halo tiha inagurasaun, hato’o mos relatoriu servisu husi Padre SDB, liafuan Benvindu husi Prezidente Autoridade Munisipiu Viqueque, no diskursu ofisial husi Excelensia Sekretariu Estadu Formasaun Profisional no Empregu, Sr. Alarico de Rosario.”Projetu Obras ne’e, nain maka komunidade sira no ita Timor Oan hotu nian. Projetu Obras ne’e hanesan Obra husi SEFOPE, aleinde Weluli Manas iha mos Obras husi SEFOPE maka iha tan Munisipiu Ermera, Liquica, no One Dolar Beach”. Hatete Excelensia SEFOPE.”Excelensia Primeiru Ministru iha diskursu ofisial ikus nian, husu atu parte Governu, Igreja no Komunidade sira kopera hodi halo diak liu tan sitiu refere atu nunee iha nia sustentabilidade, atu labele sai dodok no aat, inklui labele sai sitiu ba animal sira han fatin”. Inagurasaun refere ensera ho diskursu ofisial husi Excelensia Primeiru Ministru nomos vizita haleu ba sitiu refere.

Deixe um comentário

Releated

Vise-Ministru Domingos L. Antunes hala’o enkontru despedida ho Koordenadór Rezidente Nasoins Unidas nian

Serviços Fomento Díli, loron 11 fulan Outubru tinan 2022 Vise-Ministru Komérsiu no Indústria, Sr. Domingos Lopes Antunes, hala’o enkontru despedida ho Koordenadór-Rezidente Organizasaun Nasoins Unidas (ONU) nian iha Timor-Leste, Sr. Roy Trivedy, ne’ebé mak nia misaun remata ona iha Timor-Leste iha fulan Outubru tinan ida ne’e nia laran. Koordenadór ONU, Sr. Roy fo apresiasaun bot Read More