Vise-Ministru Domingos L. Antunes hala’o enkontru despedida ho Koordenadór Rezidente Nasoins Unidas nian

Serviços Fomento Díli, loron 11 fulan Outubru tinan 2022

Vise-Ministru Komérsiu no Indústria, Sr. Domingos Lopes Antunes, hala’o enkontru despedida ho Koordenadór-Rezidente Organizasaun Nasoins Unidas (ONU) nian iha Timor-Leste, Sr. Roy Trivedy, ne’ebé mak nia misaun remata ona iha Timor-Leste iha fulan Outubru tinan ida ne’e nia laran.

Koordenadór ONU, Sr. Roy fo apresiasaun bot ba Vise Ministru Antunes ho ekipa involve iha prosesu sira adezaun Timor-Leste ba WTO no ASEAN no kona-ba involvimentu iha projetu sira kooperasaun ho Nasoin Unidas liuliu iha programa sira rekuperasaun ekonomiku nian, no Sr. Roy rekoñese avansu ne’ebé boot iha Timor-Leste durante Governo da-8 nia mandatu, maske enfrenta dezafiu boot sira.

Vise- Ministru mós agradese no hato’o apresiasaun MTCI nian ba apoiu no Liderança Sr. Roy nian ba konsepsaun no politika sira guvernu nian, no apresiasaun ba tulun sira husi Koordenadór ONU no nia ajensia ONU sira ne’ebé nia lidera iha TL durante nia misaun tinan barak iha Timor-Leste.

Além de ida ne’e. Sr Roy sei fo nia apoiu Kontinua iha seitor Desenvolvimentu kafé Timor-Leste nian wainhira nia fila ba UK liu husi Inisiativa sira mai husi International Coffee Organization (ICO) ne’ebé mak nia baze iha London.

Akompaña Sr. Roy iha Sorumutuk ne’e ho Vise-Ministru mak Sr. Riccardo Mesiano (Head of Office, UN Resident Coordinator’s Office).

Mídia MTCI

Deixe um comentário

Releated

SEREMONIA INTREGA SITIU TURISTIKU WELULI MANAS HUSI SEFOPE BA MTCI

Hafoin Governu hamutuk ho Parte Igreja halo tiha inagurasaun ba sitiu Weluli Manas ne’ebe lokaliza iha aldeia Weamain, Suku Uaimori, Postu Administrativu Viqueque Vila, Munisipiu Viqueque, Kontinua kedas intrega sitiu refere husi SEFOPE ba MTCI. Sitiu turistiku Weluli Manas hanesan obra husi SEFOPE, obra refere finaliza ona no intrega ba MTCI hanesan instituisaun ne’ebe jere Read More