Ministério do Turísmo, Comércio e Indústria servisu hamutuk ho Autoridade Munisípal, Programa Nasoens Unidas ba Dezenvolvimento iha Timor-Leste (PNUD), Korea International Cooperation Agency (KOICA) no Instituto de Apoio ao Dezenvolvemento Emprezarial (IADE) Liu husi Projetu – “Youth employment and Entrepreneurship skills”(YEES) hakarak konvida foin-sa’e kreativu sira ne’ebé ho solusaun negósiu inovativu atu aplika ba Kompetisaun Negósiu Inovativu IV – MTCI 2023 ho tema “Promove Empreendedorizmu liu husi asesu ba Kapitál no Formasaun Negósiu”

Kompetisaun ne’e oferese ba foin-sa’e sira ne’ebé mai ho idea úniku, kreativu no inovativu ho objetivu atu kontinua fo apoiu kapasitasaun no ekipamentus ba Foin-Sa’e sira ho intensaun atu motiva no inspira sira investe iha setór produtivu hanesan Agrikultura, Peskas, Komérsiu, Indústria, Turismu, Teknolojia no Inovasaun Ai-han ne’ebé orienta ba impaktu sosiál no fó valór áas ba ekonomia rai laran e kontribui rezolve problema sosial komunidade nian.

Elijibilidade: Se mak bele aplika ba kategoria hirak ne’e?

1. Foinsa’e Feto, Mane ho Nasionalidade Timoroan

2. Idade hahú husi tinan 18 – 35

3. Foinsa’e sira ne’ebe mai ho ideia Nogósiu Inovativu iha setór produtivu hanesan Agrikultura, Peskas, Indústria, Komérsiu, Turizmu, Teknolojia no Inovasaun Ai-han.

4. Atividade negósiu lokaliza iha Munisipiu ne’ebé atu aplika ba.

5. Foinsa’e sira ne’ebé hahú ona atividade negósiu sosiál (start-up no ezistente)

Oinsa atu aplika?

1. Bele Vizita situs https: https://rb.gy/1ogku8 hodi priense no submete imi nia aplikasaun online

2. Bele hakat ba Direcção Nasional Apoio e Dezenvolvemento Micro, Pequenas e Media Empreza MTCI iha kada munisipiu, IADE munisipiu no Knua Juventude Fila-Liman (Comera – Dili) hodi hetan formulariu no submete aplikasaun.

3. Atu hetan informasaun detallu bele Vizita Pajina Facebook Ministerio Turismo Comercio e Industria, Vice-Ministro Comercio e Industria Domingos Lopes Antunes, Knua Juvenetude Fila-Liman, no UNDP Timor-Leste nian.

4. Data ikus hatama aplikasaun iha loron Sesta-Feira, 31 Marsu 2023.

===========================================

Karik ita-boot sira iha problema ruma ho rejistu ou labele submete ita nia aplikasaun favor bele liga:

Email: kompetisaunnegosiu.leste@gmail.com

Numeru telfone/whatsapp:

Sra. Liria O. B. Da Silva : +670 73199026

Sr. Tarcizio Guterres : +670 78366529

Sr. Bernardino de Menezes (DN-ADMPME) : +670 77180803

Boa sorte ba Ita-bo’ot sira ne’ebé hakarak aplika!