Uaimori, Sexta-feira, 30 Abril 2021:Ministru Turizmu Komérsiu no Indústria Dr. José Lucas do Carmo da Silva, akompana husi Vise-Ministra Turizmu Komunitáriu no Kulturál Dra. Inácia da Conceição Teixeira fó posse ba Prezidente Konsellu Konsultativu no Koordenador grupu traballu ba sira nia kna’ar iha Turizmu Komunitáriu nian iha suku, Uaimori, postu administrativu Viqueque Vila, munisípiu Viqueque.SE. Ministru iha nia intervensaun dahuluk hato’o ksolok no privilejiu bo’ot mai ministru, vise no komitiva nasional tomak bele mai hamutuk ho maun alin inan feton komunidades hotu iha suku Uaimori. Ministru mos husu atu mantem ho responsabilidade tomak ba komunidades Uaimori hotu ne’ebe hetan ona oportunidade ida ne’e hodi sai suku pilotu ba programa turizmu nian, ne’ebe hahu no ezizi nafatin ho esforsu tomak ba sustentabilidade jerasaun tuir mai.Hafoin Ministru fo pose ba Prezidente Konselhu Konsultativu no koordenador grupu trabalhu ne’ebe simu ona sira nia kna’ar foun inkliu husi mane nain 8 no feto nain 2, kontinua mos rona istoria badak kona ba “Wee Lulik Manas” husi Sr. Plácido Soares.Iha biban ne’e mos SE. Ministru oferese Aihan bazika ba komunidades iha suku refere.Partisipa iha seremonia ne’e administrador munisipio Viqueque Sr.Januário Soares “Bolly”, Komandante PNTL munisipio Viqueque Sr. Sebastião Alves Quintão, Xefe suku Uaimori Sr. Francelino A. Gomes, Xefe Aldeia Mea’wain Sr. Agostu Soares, Xefe Aldeia Uatulesu Sr. Gilberto da Costa, Autoridade lokal no ekipa turizmu komunitariu.

Midia MTCI