Expo Dubai 2020 “Ne’e desizaun Governu nian liu husi Konsellu Ministru”

ENKONTRU KOORDENASAUN ENTRE MTCI HO MNEC Durante prosesu preparasaun husi Autoridade Expo Dubai nian atu nasaun Timor-Leste partisipa iha Expo Dubai 2020, maka ekipa hala’o tiha ona enkontru koordenasaun ho liña ministeriais no instituisaun relevantes hamutuk atus ida (100) resin ona, no ohin loron Tersa-feira, 15 Juñu 2021; Ministru Turizmu, Komérsiu no Indústria, Dr. José Lucas do Carmo da Silva, ho ekipa hala’o sorumutu koordenasaun ho Ministra Negosiu Estranjeiru no Kooperasaun, Sra. Adaljiza Albertina Xavier Reis Magno, iha edifisiu MNEC, Pantai Kelapa Dili.Enkontru koordenasaun sirak ne’e hotu hanesan enkontru konsultasaun, hodi halo diskusaun oinsa atu halo preparasaun ba Timor-Leste nia partisipasaun iha Expo Dubai nian ne’e solidu liu.

Enkontru ne’e mós ko’alia ho MNEC oinsa haree faze ikus ne’ebé agora dadauk lao hela, no oinsa haforsa liu-tán koordenasaun entre liña ministeriais.Hafoin remata tiha enkontru ne’e, iha intervista ho jornalista sira no hataan ba perguntas husi jornalista, Ministru MTCI afirma; “Ne’e desizaun Governu nian liu husi Konsellu Ministru, hanesan nasaun ita iha desizaun Governu ne’ebé ita nia Xefe Governu rasik fó sai tiha ona katak la iha razaun atu kansela partisipasaun Timor-Leste nian iha Expo Dubai, tanba ita nia preparasaun sira lao atu besik too finál ona”.

Mídia MTCI

Releated

Vise-Ministru Domingos L. Antunes hala’o enkontru despedida ho Koordenadór Rezidente Nasoins Unidas nian

Serviços Fomento Díli, loron 11 fulan Outubru tinan 2022 Vise-Ministru Komérsiu no Indústria, Sr. Domingos Lopes Antunes, hala’o enkontru despedida ho Koordenadór-Rezidente Organizasaun Nasoins Unidas (ONU) nian iha Timor-Leste, Sr. Roy Trivedy, ne’ebé mak nia misaun remata ona iha Timor-Leste iha fulan Outubru tinan ida ne’e nia laran. Koordenadór ONU, Sr. Roy fo apresiasaun bot Read More