Baunilla Kontinua Exporta Ba Rai-Liur

Baunilla Kontinua Exporta Ba Rai-LiurDili, segunda-feira loron 14 fulan Juñu tinan 2021: Hafoin rona preukupasaun produtor baunilla sira no relatoriu fiskalizasaun husi Parlamentu Nasional katak produtor barak halerik ba folin baunilla nian. Sua Exselensia Vise-Ministru Komérsiu no Indústria Sr. Domingos Lopes Antunes akompaña husi Diresaun Nasional sira Komérsiu nian hasoru malu ho komprador prinsipal Buainilla sira iha teritoriu Timor laran tomak mak Hanesan Cooperativa Café Timor (CCT) no Dili Vanilli iha Edifisiu Servisu Fomentu.

S.E Vise-Ministru hasoru malu ho Sr. Martin Hardie nain ba Dili Vanilli no Sr. Felix Pereira Manager CCT nian ba Projetu Vanilli hodi fahe informasaun kona-ba merkado no merkadoria, presu no kualidade Baunilla Timor-Leste nian. Nomós governu liu husi MTCI fahe no oferese pakote programa sira hanesan programa negosiu sosial (kreditu funan kiik) no suporta planu negosiu inovativu sira ne’ebé mak bele apoiu kadeia valor baunilla nian ba Dili Vanilli no ba CCT ho nia grupu produtor sira atu partisipa hodi resolve “bottlenecks” sira ne’ebé mak durante ne’e hasoru iha kadeia Valor baunilla nian hodi mantein produsaun ida que kontinua no halo exportasaun ba merkadu rai-liur.

Nune’e mos bele apoiu ba produsaun produtu valor akresentadu sira liu husi extrasaun no pakotamentu retallu iha Timor-Leste ba exportasaun.Tuir komprador sira, iha tinan ida ne’e 2021 presu baunilla iha Timor-Leste monu ba iha 18$/kg ba klase A, 15$ ba klase B, no 13$ ba klase C, kompara iha tinan 2018-2020 ne’ebé folin baunilla atinje 45$/Kg. Presu baunilla nian iha merkadu international volatile tebes, flutuativu husi tinan ida ba tinan seluk depende ba faktores barak hanesan: kondisaun klima lokal, dezastre naturais, no kuantidade baunilla nian ne’ebé disponível iha merkadu global.

Tuir komprador sira katak razaun folin baunilla monu iha tinan 2021 Iha Timor-Leste tanba merkadu global iha volume baunilla makaas tebes ne’ebé kontribui drástikamente husi Rai Madagascar hanesan produtor boot Baunilla iha Mundu.Komprador baunilla sira rekuñese katak presiza iha formasaun barak ba grupu produtor sira baunilla nian iha Munisípiu sira. Iha suku Leimeia Sorin Balu Munisipiu Ermera nian produtor barak mak ku’u ka koileta nia baunilla molok tasak ne’ebé halo kualidade monu.Iha fulan Juñu ne’e duni Dili Vanilli hola ona baunilla 800kg no CCT hola ona baunilla toneladas hamutuk neen (6) iha Suku Leimea Sorin Balun deit.

Mídia MTCI

Releated

Vise-Ministru Domingos L. Antunes hala’o enkontru despedida ho Koordenadór Rezidente Nasoins Unidas nian

Serviços Fomento Díli, loron 11 fulan Outubru tinan 2022 Vise-Ministru Komérsiu no Indústria, Sr. Domingos Lopes Antunes, hala’o enkontru despedida ho Koordenadór-Rezidente Organizasaun Nasoins Unidas (ONU) nian iha Timor-Leste, Sr. Roy Trivedy, ne’ebé mak nia misaun remata ona iha Timor-Leste iha fulan Outubru tinan ida ne’e nia laran. Koordenadór ONU, Sr. Roy fo apresiasaun bot Read More