Inácia Teixeira moris iha Sanane, loron 24 fulan marsu 1982 ho idade 39 anos, hanesan Vise-Ministra Turizmu Komunitáriu no Kultural iha Governu dala 8 periódu 2020-2023. Inácia hahu nia estudu Báziku to’o Pre-sekundáriu iha Eskola Negeri Tingkat I, Palaban, Oecusse, no remata nia estudu Sekundáriu iha SMA II Dili. Nune’e kontinua nia estudu Diploma iha Bussines iha Universidade Eynesbury Bussiness Institute & Technology, Adelaide-Australia, no Bachelor of Tourism & Hospitality Management, South Australia University, Adelaide-Australia, Master of Arts In International Tourism, London Metropolitan University, London-UK. Inacia mos hanesan Eis-Sekretária Rejional ba Turizmu Komunitára iha Região Administrativo Especial Oecusse Ambeno RAEOA, ZEESM-TL.