mensazem husi Ministru turismu, komersiu no industria

Lori Ministériu Turismu, Komérsiu no Indústria (MTKI) nia-naran, ministru sinti orgullu tebes tanba planu programa no orsamentu MTKI nian bele hetan ona aprovasaun husi Parlamentu Nasional hodi desenvolve setor Turismu, Komérsiu no Indústria iha Timor-Leste.

Objetivu husi alokasaun orsamentu jeral estadu (OJE) atu rekopera no desenvolve setor turismu, Komérsiu no Indústria.

Atu atinji objetivu ida ne’e, Ministériu Turismu, Komérsiu no Indústria (MTKI) kontiñua esforsu hodi responsabiliza OJE ho profissional, kredível, transparente no responsável.

Diresaun Nasional Koordenasaun Servisu no Planeamentu (DNCSP) halo ona sumariu no dethailu kona-ba alokasaun orsamentu bazea programas prioridades ministériu nian atu nune’e setores no divizoes sira bele halao sira-nia servisu ho produtivu, transparente, eficiente no efikaz.

Livro ne’e deskreve kona-ba sumáriu jeral OJE 2021 MTKI nian pur kagoria, setores no alokasaun orsamentu ba planu rekoperasaun ekonómika. Nune’e mos fó informasaun kona-ba planu setor turismo ho programa prioridades no alokasaun orsamentu, planu setor komérsio ho programa prioridades no alokasaun orsamentu, planu setor indústria ho programa prioridades no alokasaun orsamentu, programa boa governasaun ho programa prioridades no alokasaun orsamentu, no revisaun orsamentu (orsamentu revizadu no aktual).

Ministru konsidera katak website ne’e sai hanesan koiñesimentu explicitu ne’ebé dokumentadu ona no forma tanjivel. Website ne’e mos artikuladu ona iha matriz, diagramas no linguajem formal atu nune’e bele ajuda intende lalais no fásil liu atu kompreende. Ministru mos fiar katak, Website ida ne’e sai hanesan informasaun ida hodi ajuda, aumenta koiñesimentu no kompríensaun diretores gerais, nasionais, adminstrador no presidentes sira atu nune’e Ita-Bo’ot sira bele kompreende programas ho nia-orsamentu, halo implementa no kontrolu programas ho responsável, efikaz, eficiente no ekonômika. Ikus liu, ministru hakarak hato’o ministru nia-gratidão bo’ot ba diretur nasional husi Diresaun Nasional Koordenasaun Servisu no Planeamentu (DNCSP) no director geral ne’ebé ho pasiênsia no devosaun tomak hodi esforsu no hakerek livru ida ne’e husi inísio to’o remata. Nune’e mos funcionarius sira hotu ne’ebé mak fó apoiu hodi kompletu livro ida ne’e. Dala ida tan Ministru hato’o obrigadu wain no votus sucessu ba ita hotu.